ಸಿಹಿ ಮಿಡಿತ

ಆಕೆಯ ಕಂಡೊಡನೆ ಕಣ್ಣೆರಡು ಮಿಂಚ ಹರಿಸಿತ್ತು
ಒಳಗೊಳಗೇ ಮನದ ಹಕ್ಕಿ ಬಾಂದಳವ ತಲುಪಿತ್ತು
ಹೃದಯವದು ಒಲುಮೆಗೀತೆಯ ಸೃಷ್ಟಿಸಿತ್ತು
ಕಂಠದಾಳದಿ ಖುಷಿಯ ರಾಗ ಮೂಡಲು ಸಿದ್ದವಾಗಿತ್ತು
ಹತ್ತಾರು ಜನುಮದ ಕನಸು ಎಳೆ ಎಳೆಯಾಗಿ ಕಾಣತೊಡಗಿತ್ತು
ಕಿವಿಯಂಚಲಿ ಆಕೆಯ ಹೆಜ್ಜೆ ದನಿ ಮೊರೆಯುತ್ತಿತ್ತು

ಮೈಮರೆತ ಭಾವಗಳ ಗುಂಗಿಗೆ ಒಳಗಿನ ಪ್ರಜ್ಞೆ ಕೂಗಿ ಹೇಳಿತ್ತು
ಮನದಾಳದ ಮಾತುಗಳೆಲ್ಲ ದನಿಯಾಗೋದಿಲ್ಲ....
ಕಂಡ ಕನಸುಗಳೆಲ್ಲಾ ನನಸಾಗೋದಿಲ್ಲ....
ಆದರೂ ಹೃದಯದ ಸಿಹಿ ಮಿಡಿತ ಕಡಿಮೆಯಾಗಲೇ ಇಲ್ಲ !!

- ವರುಣ ಕಂಜರ್ಪಣೆ.